UAIM

Уайымнан уайым.
Тәңірдің алдында азайып барады ұпайым.
Соңғы кездері мен түнімен ұйықтай алмаймын.
Қаншама ойлар — ақымақ басымда:
“Істеп ал жасыңда!” — дейді әкем,
Ол да өмір көрген, мен жүрген жерлермен
Кезінде жүріп өткен.
Өмір — жалған. Өмір — өткелі кезең.
Кімнің кім екенін көрсетеді уақыт ертең.
Жаратушы таратты бәріне тең:
Шалға да үш рет көмекке қайық келген.
Жеңбейсің ешкімді айыппенен.
Ешкімге қарама — өзіңе сен.
Тояды қарның тіленбей,
Ерінбей еңбек етсең.
Абайла —
Мойныңда жалмауыз парақор аға, тәтең…
Ақысыз еңбек. Жастардың кейбірі —
Намысы теңгеммен тең.
Абырой — орнымен ауысты хайппенен.
Әлі де ертеңім келеді деп сенем.
Арманым тұншығып барады кеңседе —
Бір мақсат, мың себеп…
Бізде уақыт жоқ мүлдем,
Тойдырмайды ертең.
Кешегі күн — естелік.
Күннен күнге жағдайың күрделі —
Жастайыңнан үлгеріп қал емделіп.
Бізде уақыт жоқ мүлдем,
Тойдырмайды ертең.
Кешегі күн — естелік.
Күннен күнге жағдайың күрделі —
Жастайыңнан үлгеріп қал емделіп.
Бастысы — адал еңбек.
Жемісін көреміз кейінірек, бауырым.
Ешкімнен күтпе көмек —
Біреулер келеді, кетеді.
Сөз емес, тек әрекет!
Білекті — бірді,
Білімді — мыңды жеңед.
Маған да, саған да
Бір күн кезек келеді.
Кейде мен адасам, өзімді іздеп.
Барыма қанағат — қолымда барына.
Тек қана Тәңірім берді себеп:
Төбемде — шаңырақ,
Жақыным — жаныңда.
Жақыным маған сенед,
Қалайша отым сөнед?..
Әлі де ертеңім келеді деп сенем
арманым тұншығып барады кеңседе.
Бір мақсат мың себеп
Бізде уақыт жоқ мүлдем,
Тойдырмайды ертең.
Кешегі күн — естелік.
Күннен күнге жағдайың күрделі —
Жастайыңнан үлгеріп қал емделіп.
Бізде уақыт жоқ мүлдем,
Тойдырмайды ертең.
Кешегі күн — естелік.
Күннен күнге жағдайың күрделі —
Жастайыңнан үлгеріп қал емделіп.