Uss Anatolien kohme, uss Kozan, vüür circa fuffzehn Johr, ahn'nem naßkahle Februar-Ohvend ahn. Hä, dä nie wigger wohr als bess Adana - usser domohls beim Militär, als'e noh Trabzon moht, ahn't Schwaaze Meer. "Almanya" heeß och do dat Zauberwoot, doch eez drei Kinder späder kohme her. Almanya – Traumziel, Märchenland. Almanya – domohls wohrs du noch unbekannt. En feuchte Bruchbuud un 'ne Tiefbaujob, un immer ahm Eng vum Mohnd die Überweisung heim un en Veedelstund beim blonde Frollein, dat en dofür belohnt hätt. Dausendundein Naach besse'se nohhollot, sing Frau un sing Kinder, die en nimieh erkannt hann. Jet späder dann die Froocgh vum äldste Sonn, wieso se'n en der Schull "Kanake" jenannt hann. Et jing lang joot, trotz Sprüch un Hookenkrüzze, die'e zo spät für voll nohm. Die'e erkannt hätt als Ihßbirchspetze eez wie'n dä Naach de "Schmier" kohm un Ahmed braat, dä stolzer als Papa. Blootöverströmt – et heeß, dä hätt sechs junge Deutsche en der Bahn bedroht – "grundlos" – met 'nem Stilett.
En Anatolien, en Kozan, hann fünf entlossne Sklave - erömmjeschubbste wieße "Nigger" - 'ne Draum vum Märchenland bejravve. Nä, dat kann wirklich keine Zofall sinn, dat sich "Dichter un Denker" su erschreckend joot reimt – immer noch – op "Richter un Henker".